Shefi i grupit parlamentar të Lidhjes Demokratike të Kosovës (LDK), Arben Gashi, pasi ka lëshuar sallën ku po mbahej mbledhja e Kryesisë së Kuvendit, ka thënë se sot është njëra ndër ditët më të këqija të parlamentarizmit në Kosovë, si shkak i pamundësisë për formimin e Komisionit Hetimor për Rezerva Shtetërore.
Në deklaratën e tij, Gashi ka thënë se sot “merr fund përfundimisht njëra prej shtyllave kryesore të demokracisë që është mbikëqyrja parlamentare”.
Sipas tij, sot Lëvizja Vetëvendosje i ka dhënë fund njërës prej shtyllave të demokracisë.
“Nuk ka ndodhur asnjëherë që një qeveri të bllokojë qëllimisht për 6 muaj një Komision Hetimor dhe në fund të pamundësojë vendimmarrjen në atë komision. Problemi i abuzimit me rezervat shtetërore një ditë do të zbardhet, problemi i pamundësisë së funksionimit të shtyllës kryesore të demokracisë që është mbikëqyrja parlamentare prej është sot është model fatkeq për Kosovën. Sot e tutje çdo shumicë që do të vijë do ta ketë precedentin e ndërtuar nga VV-ja të bllokimit të Hetimit Parlamentar”, ka thënë Gashi.
Lidhur me këtë çështje janë deklaruar edhe shefi i grupit parlamentar të PDK-së, Abelard Tahiri dhe shefi i grupit parlamentar të AAK-së, Besnik Tahiri.
Në linqet më poshtë mund të kuptoni më shumë rreth deklaratave të tyre:
- Tahiri: Mund të ketë abuzime, duhet hetim parlamentar për financimin për librat shkollorë
- Tahiri: Ka një tendencë të poziës t’i bllokojë punët që i zbardhin të vërtetat në vend