Analisti politik, Dardan Gashi ka folur lidhur me rezultatet e zgjedhjeve nga veriu i vendit, duke ironizuar narrativën politike të qeverisë Kurti dhe ministrit të Brendshëm në detyrë, Xhelal Sveçla.
Në Debat Plus, Gashi tha se për të është interesante të shihet cilët subjekte do t’i fitojnë komunat veriore që, sipas tij, janë “çliruar” nga Sveçla.
“Nuk e di, kanë filluar rezultatet e veriut… Për mua është interesant se këto komunat e çliruara prej Sveçlës, kush po i merr? A po i merr VV-ja apo po i marrin ata prej të cilëve i paska çliruar Sveçla e Kurti? Sepse është pjesë kyçe e propagandës katërvjeçare të Albin Kurtit, dhe kjo sigurisht do të vërtetohet”, ka deklaruar Gashi.