Michael Schumher, ish-pilot gjerman i garave që konkurroi në Formula 1 ishte aksidentuar gjatë një udhëtimi me ski në Zvicër në vitin 2013 dhe kishte pësuar një dëmtim traumatik të trurit.
Piloti legjendar që nga aksidenti nuk është shfaqur në publik asnjëherë, kështu duke lënë edhe karrierën e tij në Formula 1.
Ndërsa ai është duke vazhduar ende rehabilitimin për gati 10 vjet, dhe duke qëndruar larg paraqitjeve publike.
Ndërsa, një ish-shef i Ferrarit ka thënë se gruaja e Schumacher, Corinna ka luajtur një rol të madh në mbajtjen e tij në jetë.
Gjithashtu, Corinna ka folur për burrin e saj teksa ka pranuar një çmim në emër të tij gjatë fundjavës, duke u treguar të pranishmëve se si është gjendja shëndetësore e shoferit legjendar.
“Më mungon Michael çdo ditë, por nuk jam vetëm unë që ndjen mungesën e tij”.
“Janë fëmijët, familja, babai i tij, të gjithë rreth tij. Dua të them, të gjithëve u mungon Michael, por Michael është këtu”, ka thënë ajo.
Por sipas shefit të ekipit të Ferrarit, Jean Todt, Schumacher është ende gjallë për shkak të gruas së tij.
Ajo ia doli ta mbante atë nga vdekja duke mbajtur mbi supe përgjegjësi të rëndësishme, ka thënë ai.
“Kam kaluar shumë kohë me Corinna-n që kur Michael pati aksidentin e tij të rëndë në ski më 29 dhjetor 2013. Ajo është një grua e shkëlqyer dhe drejton familjen”, raporton Express.
“Falë punës së mjekëve të tij dhe bashkëpunimit të Corinna-s, të cilët donin që ai të mbijetonte, ai mbijetoi por me pasoja”.
Ndryshe, Michael Schumacher ka festuar ditëlindjen e tij të 52-të më 3 janar 2022, duke qëndruar larg syrit të publikut siç ka bërë që nga aksidenti i tij.