Gati 100 çështje vizash të pazgjidhura për atletët dhe zyrtarët përpara Kampionatit Botëror të Atletikës, në SHBA

Megjithëse është gara më domethënëse e atletikës që po mbahet në vend që nga Olimpiada e vitit 1996, në Atlanta, SHBA-ve u kanë mbetur të pazgjidhura 99 çështje vizash për atletët dhe zyrtarët e komunitetit të kampionatit

Gati 100 çështje të vizave për atletët dhe zyrtarët e planifikuar për të marrë pjesë në Kampionatin Botëror të Atletikës në Oregon të SHBA-së, mbeten të pazgjidhura, bën të ditur një zëdhënës i Botërorit të Atletikës për “CNN“, të enjten

Në total, 374 raste të vizave janë përshkallëzuar në një grup të përbashkët të përbërë nga Komiteti Olimpik dhe Paralimpik i Shteteve të Bashkuara (USOPC), “Oregon22” dhe “World Athletics”, tha zëdhënësi, me 255 raste të zgjidhura deri më tani dhe 99 raste ende të pazgjidhura.

Është hera e parë që Kampionati Botëror i Atletikës do të mbahet në SHBA dhe është gara më domethënëse e atletikës që po mbahet në vend që nga Olimpiada e vitit 1996, në Atlanta.

Ish-sprinteri amerikan dhe kampioni katër herë olimpik, Michael Johnson ka thënë se situata ishte “qesharake”.

“Është e ditur që viza e hyrjes në SHBA mund të jetë një nga më të vështirat por, si WA dhe komiteti organizativ nuk e ka paraprirë këtë?”, ka shkruar ai në Twitter.

Ferdinand Omanyala nga Kenia, i cili vendosi rekordin afrikan të 100 metrave prej 9,77 sekondash vitin e kaluar dhe është njeriu i tretë më i shpejtë në botë këtë sezon, është një nga emrat më të profilit të lartë që ka probleme me vizat.

26-vjeçari ishte me fat që përfundimisht t’i zgjidhte këto çështje, por sipas BBC, do të mbërrijë në Eugene, Oregon, më pak se tre orë përpara se të fillojë garat 100 metra për meshkuj, të premten.

Shija e redaktorit

Shefja e katalunasve në Parlamentin e Spanjës: S’do të ndalemi...

Partia katalunase “Junts per Catalunya” kanë marrë një iniciativë në Parlamentin e Spanjës për t’i kërkuar Qeverisë së Spanjës njohjen e pavarësisë së Kosovës...

Mark Rutte do të jetë në krye të NATO-s

Mark Rutte do të jetë sekretari i ardhshëm i Përgjithshëm i NATO-s, pasi të 32 anëtarët e aleancës ranë dakord që kryeministri holandez në...

Nëna e Leotrimit: Djali im paska qenë i krejt Kosovës

Gjatë së martës, më 18 qershor, që shënonin 25-vjetorin e Ditës së Çlirimit të Skenderajt, është përuruar shtatorja Leotrim Ahmetit, 7-vjeçarit të vrarë gjatë...

Të fundit nga rubrika