Gazetarët e WP dhe BBC rikujtojnë deklaratën e Osmanit pas ngjarjeve në Veri të Mitrovicës

Deklarata e Presidentes Osmani në të cilën thoshte se Kosova kërcënohej nga Rusia me Serbinë si ndërmjetësuese është rikujtuar nga gazetarë ndërkombëtarë. Njëri ndër ta e ka cilësuar këtë sikur "shenjë shqetësuese"

Mitrovica e Veriut

Gazetari i “The Washington Post”, Ishaan Tharoor, ka rikujtuar një deklaratë të Presidentes së Kosovës, në të cilën kishte thënë se “Rusia përmes Serbisë e kërcënon Kosovën”.

“Unë e intervistova presidenten e Kosovës disa ditë më parë, dhe ajo paralajmëroi për kërcënimin e Rusisë, nëpërmjet Serbisë, duke provokuar konflikte të reja në Ballkanin Perëndimor. Dhe ja ku jemi…”, ka shkruar ai në Twitter pas ngjarjeve në Veriun e Kosovës, të dielën.

Mirëpo, gazetari i “The Washington Post” nuk ka qenë i vetmi i cili ka reaguar pas tensioneve në Veri të Kosovës.

Francis Scarr, gazetar i “BBC”-së, ka reaguar, gjithashtu, pas deklaratave të Presidentit të Serbisë, Vuçiq.

“Presidenti serb Vuçiq pretendoi se Kosova do të nisë një operacion ushtarak sonte dhe një anëtar i partisë së tij po flet se Serbia duhet të “denazifikojë” Ballkanin. Shenja shumë shqetësuese”, ka shkruar Scarr, postim i shpërndarë njëherësh edhe nga Tharoor.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika