Vaughan Smith, gazetar britanik, i cili ka raportuar gjatë luftës në Kosovë, është shpallur ‘Qytetar nderi’ nga kryetari i Prishtinës, Përparim Rama.
Ky çmim është ndarë në 23-vjetorin e çlirimit të Prishtinës.
Smith ka raportuar për krimet e regjimit serb në Kosovë, gjatë viteve 1998-1999.
Vaughan Smith ka cilësuar masakrën e Prekazit si ngjarjen kyçe, për t’i bindur forcat ndërkombëtare të ndërveprojnë në Kosovë.
“Prekazi ishte jashtëzakonisht i rëndësishëm sepse bëri dy gjëra. Së pari e solli diasporën në Kosovë për shkak të pamjeve të rënda. Gjithashtu edhe politikbërësit ndërkombëtarë si Madeleine Albright dhe Tony Blair erdhën në përfundim, se diçka duhet bërë”, ka thënë Smith.