Gazetarja ukrainase: I jam mirënjohëse shtetit të Kosovës

Lyudmila Makey, është bërë gazetarja e parë ukrainase që ka ardhur në Kosovë, në kuadër të programit “Gazetarët në Rezidencë në Kosovë”, ku shprehur mirënjohjen për mundësinë e qëndrimit të përkohshëm në Kosovës

Lyudmila Makey, gazetare ukrainase

Lyudmila Makey, është gazetarja e parë nga Ukraina që ka ardhur në Kosovë, në kuadër të programit “Gazetarët në Rezidencë në Kosovë”, (Journalist in Residence in Kosovo).

Qeveria e Kosovës, kishte marrë vendim që 20 gazetarë nga Ukraina mund të vijnë e të strehohen në Kosovë.

Makey, e cila është larguar nga shteti ukrainas, ku po vazhdon lufta prej më shumë se 50 ditësh, ka thënë se i është mirënjohëse shtetit të Kosovës për mbështetjen që i është dhënë.

Ajo në një konferencë për media, të organizuar nga Asociacioni i Gazetarëve të Kosovës (AGK), është shprehur se i ka bërë përshtypje mikpritja e popullit kosovar.

“Jam sinqerisht mirënjohëse për mundësinë që të bëhem gazetarja e parë ukrainase që vjen në Kosovë. Për mua kjo është mundësi e mirë për të qëndruar në profesion dhe për të njohur kolegët gazetarë në Kosovë”, ka deklaruar ajo.

Konferenca e AGK-së

Gazetarja ukrainase ka njoftuar se, që nga fillimi i luftës, më shumë se 20 gazetarë janë vrarë nga rusët.

“Rusët po i vrasin të gjithë, pavarësisht moshës, gjinisë apo profesionit. Që nga fillimi i luftës më shumë se 21 gazetarë kanë vdekur në duar të pushtuesve rusë, jo vetëm ukrainasë, por lituanezë, amerikanë, irlandezë e shumë të tjerë. Më shumë se 25 kolegë të mi janë zhdukur në Mariupol, nuk ka asnjë lidhje me ta dhe nuk dihet fati i tyre”, ka thënë ajo.

Flutura Kusari, ECMPF

Flutura Kusari, përfaqësuese e Qendrës Evropiane për Lirinë e Shtypit dhe Medias (ECMPF), ka thënë se ka kërkesa edhe për gazetarë të tjerë për të ardhur në Kosovë, dhe se janë duke i verifikuar ata, që të mund të vijnë.

Ajo bëri të ditur se, Qeveria e Kosovës ka ndarë buxhet 500 euro për shpenzime mujore, 300 euro për qira të banimit dhe 1000 euro të tjera për udhëtim, në rast se ndalet lufta në Ukrainë.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika