Artistja Gentiana Azizi përformoi live në studion e Radio Dukagjinit.
“Super Trend” është një emision që ka në fokus artistët e rinj e shumë të talentuar që përformojnë live. Kësisoj, çdo të martë ka të ftuar artistë të talentuar të cilët përformojnë live në emision, si dhe promovojnë projektet e tyre.
Këtë javë e ftuar në “Super Trend” me Drilonën dhe Mirdonin ishte artistja Gentiana Azizi. Gentiana e cila ka përfunduar akademinë e arteve, tash është në përfundim të masterit.
Azizi ka bërë të ditur se këndon në mbrëmje muzikore, zakonisht mbrëmje akustike në Prishtinë. Ka shtuar se ka përformuar edhe në Gjilan, por zakonisht përformancat i ka në kryeqytet.
Ajo deri më tash ka katër këngë origjinale të saj, e një tjetër është afër publikimit. Ajo ka treguar se këtë këngë e ka punuar para një viti, mirëpo tani do ta publikojë shoqëruar me videoklip. Azizi ka treguar se këtë këngë sikur të gjitha këngët e saj, tekstin dhe muzikën e ka punuar vet.
Përpos përformimeve në mbrëmje muzikore, Azizi ka theksuar se është mësimdhënëse e pianos për fëmijë të moshave të ndryshme.
Për të ardhmen, Azizi mendon të fokusohet më shumë tek punimi i këngëve për të tjerët, megjithëse thekson se është një proces mjaft i vështirë krijimi i tekstit dhe melodisë.