Gërvalla me kryediplomatin e Mbretërisë suedeze Billstrom kanë biseduar për anëtarësimin e Kosovës në KiE dhe në BE
Ministrja e Punëve të Jashtme dhe Diasporës, Donika Gërvalla, e ka pritur në takim ministrin e Punëve të Jashtme të Mbretërisë së Suedisë, Tobias Billstrom. Gërvalla ka thënë se me kryediplomatin suedez ka zhvilluar një bisedë të gjatë. “Është shumë e rëndësishme që Billstrom është këtu pasi që është votuar për liberalizimin e vizave. Ai […]
Ministrja e Punëve të Jashtme dhe Diasporës, Donika Gërvalla, e ka pritur në takim ministrin e Punëve të Jashtme të Mbretërisë së Suedisë, Tobias Billstrom.
Gërvalla ka thënë se me kryediplomatin suedez ka zhvilluar një bisedë të gjatë.
“Është shumë e rëndësishme që Billstrom është këtu pasi që është votuar për liberalizimin e vizave. Ai është si përfaqësues i presidencës suedeze. Duhet ta falënderoj edhe presidencën çeke e cila e ka shtyrë përpara procesin e liberalizimit”, ka deklaruar Gërvalla.
“Ne biseduam për Këshillin e Evropës. Janë kryer disa procedura. Dhe kërkesa jonë është që të kalojnë sa më shpejt këto procedura. Ne jemi optimistë për anëtarësimin e Kosovës. Kërkojmë anëtarësim meritor”, ka shtuar ajo.
“Po ashtu, folëm për procesin e anëtarësimit të Kosovës ne BE. Kemi bërë hapin e parë andaj e falënderoj presidencën suedeze për hapin që e ka marrë”, ka thënë Gërvalla.
Më tutje, kryediplomatja kosovare ka folur edhe për shtetasit kosovarë të cilët jetojnë dhe veprojnë në shtetin e Suedisë, duke thënë se “mërgata jonë në Suedi është shtylla jonë kryesore dhe në çdo hap të rëndësishëm për Kosovën, aty ka qenë Suedia”.















