Gërvalla pas takimit me Osmanin: U pajtuam që të kemi thellim të bashkëpunimit

Ministrja e Punëve të Jashtme, Donika Gërvalla e ka falënderuar homologun nga Maqedonia e Veriut, Bujar Osmani për bashkëpunimin shumë të mirë teksa janë pajtuar që të ketë thellim të bashkëpunimit edhe në shumë fusha

Ministrja e Punëve të Jashtme, Donika Gërvalla, pas takimit me homologun nga Maqedonia e Veriut, Bujar Osmani, ka thënë se pati një diskutim me të për zhvillimet në Kosovë, Evropë dhe në botë, po ashtu edhe për rolin që OSBE-ja ka sot dhe që ka pasur në Kosovë gjatë së kaluarës.

“E falënderova për të gjithë kontributin që OSBE-ja ka dhënë në të kaluarën, në adresimin e temave të ndryshme që i ndihmojnë një Kosove më demokratike, që për të gjithë qytetarët e saj bëhet më e dëshiruar. E falënderova për angazhimin e tij personal në zgjidhjen e sfidave evropiane, kur ka marrë kryesimin e OSBE-së nuk është momenti më i mirë pasi Evropa gjendet në luftë, Rusia vazhdon agresionin e saj ndaj Ukrainës”, ka thënë Gërvalla në konferencë për media.

Tutje, diplomatja Gërvalla ka thënë se e ka falënderuar Osmanin për bashkëpunimin shumë të mirë, teksa janë pajtuar që të ketë thellim të bashkëpunimit edhe në shumë fusha të tjera.

“Diskutuam për thellimin e bashkëpunimit në shumë fusha, u pajtuam që kemi nevojë që të dy qeveritë kemi nevojë të punojmë, jo vetëm në implementimin e marrëveshjeve, por gjetjen e mënyrave të bashkëpunimit, Ballkani Perëndimor nuk ka nevojë të jetë rajon konflikti, por është rajon i fqinjve që bashkëpunojë në baza serioze që të kenë rezultate”, ka vijuar ajo.

Tutje, Gërvalla ka thënë se me Osmanin kanë diskutuar se duhet të bëhet implementimi i marrëveshjeve që rrjedhin nga Procesi i Berlinit.

“E falënderova gjithashtu për rolin e tij si kryesues të OSBE-së në hapjen e dialogut dhe temat për temat që janë të rëndësishme për paqen afatgjate. Implementimi i marrëveshjeve që rrjedhin nga procesi i Berlinit, të dy u pajtuam që të gjitha këto shtete që kanë nënshkruar këto marrëveshje do të ecin përpara me implementimin”.

Ndryshe, ministri i Punëve të Jashtme të Maqedonisë së Veriut, Bujar Osmani, do të takohet edhe me presidenten Vjosa Osmani dhe kryeministrin Albin Kurti.

Shija e redaktorit

Spanja kampione e Evropës për herë të katërt

Ka mbaruar super ndeshja mes Spanjës dhe Anglisë në kuadër të finales së Kampionatit Evropian 2024. Pas një loje fantastike, Spanja ka përmbyllur ndeshjen me...

Spanja në finale, mposht Francën

Kombëtarja e Spanjës ka arritur kualifikimin në finale të Euro 2024, pasi mposhti me rezultat 2:1 kombëtaren e Francës në gjysmëfinale. Në pjesën e dytë...

Ballkani triumfon në ndeshjen e parë kualifikuese në Ligën e...

Ballkani ka fituar 2-1 ndaj Santa Coloman në 1/8 e fazës kualifikuese në Ligën e Kampionëve. Ndeshja nisi me një ritëm të qetë, por që...

Të fundit nga rubrika