Gërvalla për vendimin për vizat: Bashkë jemi Evropa

Ministrja e MPJD-së, Donika Gërvalla, ka falënderuar anëtarët kryesorë të Parlamentit Evropian për mbështetjen e tyre vendimtare, duke thënë “Se bashkë jemi Evropa”

Pas miratimit të vendimit për liberalizimin e vizave për qytetarët e Kosovës, ka reaguar dhe uruar ministrja e Punëve të Jashtme, Donika Gërvalla.

Me anë të një postimi në Twitter, Gërvalla ka falënderuar anëtarët kryesorë të Parlamentit Evropian për mbështetjen e tyre vendimtare, duke thënë “Se bashkë jemi Evropa”.

“Një ditë gëzimi për Kosovën dhe Bashkimin Evropian. Parlamenti Evropian sot përfundimisht vendosi për liberalizimin e vizave për qytetarët e Kosovës. PE ka qëndruar me ne në çdo hap gjatë gjithë viteve. Sot falënderova anëtarët kryesorë të PE për mbështetjen e tyre vendimtare. SE BASHKË jemi EVROPA”, shkroi ajo.

Nga data 1 janar 2024, qytetarët e Kosovës do të kenë mundësi që të udhëtojnë lirshëm në zonën shengen.

Miratimi u bë pa votim, pasi nuk kishte asnjë kundërshtim.

Një ditë më vonë, më 19 prill, do të nënshkruhet akti ligjor për liberalizimin e vizave, ndërsa hapi i vetëm që duhet të bëhet pas kësaj, është botimi i vendimit në Gazetën Zyrtare të BE-së dhe hyrja në fuqi e tij.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika