Ministrja e Punëve të Jashtme dhe Diasporës, Donika Gërvalla të premten e 23 dhjetorit do të raportojë në Komisionin për Punë të Jashtme dhe Diasporë.
Në këtë komision, ministrja Gërvalla duke filluar në ora 15:00 do të raportojë lidhur me punën dhe aktivitetet e këtij dikasteri gjatë vitit 2022.
Ndryshe, Kosova, të enjten e 15 dhjetorit, ka aplikuar për anëtarësim në Bashkimin Evropian.
Gërvalla e kishte cilësuar si momentum të duhur aplikimin zyrtar të Kosovës në BE.
Ajo kishte thënë se perspektiva evropiane është e ardhmja e shtetit të Kosovës dhe se është hap i rëndësishëm që Republika e Kosovës më në fund ka shprehur vullnetin e saj për t’u bërë anëtare në BE.