Asambleja Parlamentare e Këshillit të Evropës (KiE) ka votuar me një shumicë votash pro Kosovës që të avancojë edhe më tej drejt anëtarësimit në Këshillin e Evropës.
Ministrja e Punëve të Jashtme dhe Diasporës, Donika Gërvalla, menjëherë pas votimit pozitiv në KiE, ka thënë se “kjo është fitore e Evropës, shteteve demokratike që sot konfirmuan që Kosova është pjesë e tyre”.
Ajo tutje ka thënë se sot është “ditë gëzimi”, duke i uruar qytetarët e vendit për këtë sukses.
“Emocioni i vetëm që kam është gëzimi dhe falënderimi për ata që kanë luftuar shumë edhe në këtë seancë për t’i arritur votat e nevojshme për rekomandimin…Shpresojmë që pas këtij hapi të rëndësishëm në maj të mund ta kurorëzojmë Kosovën me pranin në KiE”, është shprehur ministrja Gërvalla para mediave.
“Sot është ditë gëzimi, ju uroj të gjithëve nga zemra. Shpresoj që Kosova të forcohet në arenën ndërkombëtare”, tha tutje ajo.
“S’kemi pritur sjellje tjetër nga Serbia, ata e morën përgjigjen sot”, shtoi për fund ministrja Gërvalla.