Kryediplomatja kosovare Donika Gërvalla është takuar me kryediplomatin grek Nikos Dendias, më të cilin kanë diskutuar për dialogun ndërmjet Kosovës dhe Serbisë.
Nëpërmjet një postimi në rrjetin e tij social, Deandias ka thënë se temat e tjera kanë qenë edhe zhvillimet rajonale.
“Gjatë qëndrimit tim në Prishtinë, u takova me Ministren e Punëve të Jashtme të Kosovës, Donika Gërvalla”, ka shkruar ministri i Punëve të Jashtme i Greqisë.
“Diskutim mbi zhvillimet rajonale, duke përfshirë perspektivën e Ballkanit Perëndimor dhe zhvillimet lidhur me Dialogun ndërmjet Kosovës dhe Serbisë”, ka shtuar ai.
Ndërsa, gjatë ditës kryediplomati nga Greqia është takuar dhe me presidenten e Kosovës, Vjosa Osmani dhe me kryeministrin, Albin Kurtin.
During my stay in #Pristina, I met with Kosovar FM, Donika Gërvalla-Schwarz. Discussion on regional developments, including #WesternBalkans 🇪🇺 perspective and developments regarding the Belgrade-Pristina Dialogue. pic.twitter.com/1v5sNgHreS
— Nikos Dendias (@NikosDendias) March 12, 2023