Gërvalla takon senatorin Peters në Washington, diskutojnë për sigurinë në rajon

"Thellimi i bashkëpunimit politik, ushtarak dhe ekonomik mes Republikës së Kosovës dhe Shteteve të Bashkuara të Amerikës, ishin temat e tjera të diskutimit mes ministres Gërvalla dhe senatorit Peters", thuhet në njoftimin e MPJD-së

Ministrja e Punëve të Jashtme, Donika Gërvalla, është takuar me senatorin demokrat, Gary Peters, në Washington D.C.

Në këtë takim, sipas njoftimit të Ministrisë, është diskutuar për çështjet e sigurisë në Ballkanin Perëndimor, anëtarësimin e Kosovës në NATO, si dhe veprimet destabilizuese të Serbisë e Rusisë në rajon.

“Përparimi i Kosovës në fushat vitale për qytetarët e saj, gjendja e sigurisë në Ballkanin Perëndimor, integrimi euroatlantik i Republikës së Kosovës, me theks të veçantë anëtarësimi i Kosovës në NATO, si dhe veprimet destabilizuese të Serbisë dhe Rusisë në rajon, ishin temat kryesore të takimit që zëvendëskryeministrja dhe ministrja e Punëve të Jashtme dhe Diasporës, Donika Gërvalla, pati me senatorin nga Partia Demokratike e SHBA-së, Gary Peters”, thuhet në njoftimin e Ministrisë së Punëve të Jashtme.

Tutje thuhet se gjatë këtij takimi, Gërvalla e shoqëruar edhe nga zëvendësministrja Liza Gashi dhe ambasadori Ilir Dugolli, e njoftoi senatorin amerikan rreth situatës politike në vend, përparimin e arritur në demokratizim të vendit, sundim të ligjit dhe zhvillim të qëndrueshëm ekonomik.

“Thellimi i bashkëpunimit politik, ushtarak dhe ekonomik mes Republikës së Kosovës dhe Shteteve të Bashkuara të Amerikës, ishin temat e tjera të diskutimit mes ministres Gërvalla dhe senatorit Peters”, thuhet tutje në njoftim.

Gërvalla e falënderoi senatorin amerikan për mbështetjen e ShBA-ve për Republikën e Kosovës, zhvillimin dhe integrimin e saj euroatlantik.

Pozicionimi i Kosovës në krah të Ukrainës ishte gjithashtu pjesë e diskutimit të Ministres Gërvalla me senatorin Peters.

Ministrja Gërvalla theksoi rëndësinë e bashkëpunimit ndërkombëtar dhe rajonal në mbështetje të Ukrainës, duke e vlerësuar këtë si thelbësore për sigurinë dhe paqen afatgjatë në Evropë.

Shija e redaktorit

Nga sot shqiptarët udhëtojnë pa viza drejt Azerbajxhanit

Nga dita e sotme qytetarët e Shqipërisë me pasaporta të rregullta mund të udhëtojnë pa viza drejt Azerbajxhanit. Ambasadori i Azerbajxhanit në Shqipëri, Anar Huseynov...

Tre oficerë të FSK-së diplomojnë në Kolegjin CGSC të ushtrisë...

Oficerët e Forcës së Sigurisë së Kosovës(FSK), majorët Alban Bunjaku, Agron Murati dhe Alban Bujupi, pas studimeve njëvjeçare, diplomuan me sukses të lartë në...

Peja dhe Ulqini nënshkruajnë marrëveshjen e binjakëzimit si qytete

Kryetari i Pejës, Gazmend Muhaxheri ka pasur një mysafir të veçantë në zyrën e tij të shtunën. Ai priti me nderime kryetarin e Ulqinit, Genc...

Të fundit nga rubrika