Gjashtë shtetas të huaj janë ndaluar në Aeroportin Ndërkombëtar të Prishtinës “Adem Jashari”, pasi gjatë kontrollit kanë prezantuar dokumente që dyshohet se janë të falsifikuara.

Rasti është raportuar më 8 shtator 2026, rreth orës 17:45.

“Është raportuar se në arritje gjashtë persona, shtetas të huaj, kanë prezantuar dokumente të cilat kanë rezultuar të dyshuara për falsifikim”, thuhet në raportin e Policisë.

Me vendim të prokurorit, pasaportat e dyshuara janë konfiskuar, ndërsa të gjashtë personat janë dërguar në Qendrën e Azilit.