Gjatë këtij gushti, inflacioni vjetor i Eurozonës arrin në 9.1 për qind

Gjatë këtij viti, inflacioni ka shënuar rritje në të gjithë botën. Inflacioni në Eurozonë gjatë muajit gusht ka arritur në 9.1 për qind, rritja e përqindjes po konsoderohet se është nxitur nga rritja e çmimeve të energjisë dhe nga lufta e Rusisë në Ukrainë

Fotoilustrim

Eurozona është bashkimi monetar i 19 shteteve anëtare të Bashkimit Evropian, të cilat kanë adaptuar euron si monedhën e tyre kryesore.

Inflacioni në “Eurozonë” gjatë muajit gusht ka arritur në 9.1 për qind, rritja e përqindjes po konsoderohet se është nxitur nga rritja e çmimeve të energjisë dhe nga lufta e Rusisë në Ukrainë. Kjo është sipas shifrave të fundit të publikuara të mërkurën nga agjencia e statistikave të Bashkimit Evropian Eurostat.

Inflacioni vjetor në 19 vendet u rrit nga 8.9% në korrik dhe është në nivelin më të lartë që nga fillimi i mbajtjes së rekordeve për euron në vitin 1997. Ndërsa, gjatë kësaj vere ka pasur një valë protestash dhe grevash në të gjithë botën nga punëtorët që kërkojnë paga më të larta dhe njerëz të ngopur me koston e lartë të jetesës.

Inflacioni në Britani, Danimarkë dhe Norvegji, të cilat kanë monedhat e tyre, është gjithashtu në rritje, sipas të dhënave zyrtare të publikuara në fillim të këtij muaji. Banorët e Mbretërisë së Bashkuar janë duke u përballur me një rritje prej 80 për qind në faturat vjetore të energjisë shtëpiake.

Në eurozonë, çmimet e energjisë u rritën me 38.3 për qind,  megjithëse norma ishte pak më e ulët se muaji i kaluar, ndërsa çmimet e ushqimeve u rritën me një ritëm më të shpejtë prej 10.6 për qind, sipas vlerësimit paraprak të Eurostat, raporton euronews.

Ndërsa, raporti përfundimtar i agjencisë, i cili është publikuar rreth dy javë më vonë, zakonisht është i pandryshuar.

“Problemet specifike evropiane vazhdojnë të shtyjnë inflacionin më të lartë,” shkroi në një shënim analisti ekonomisti i lartë i “ING Bank”, Bert Colijn. Ai ka shtuar se kriza e furnizimit me gaz dhe thatësirat po i shtojnë presionet e vazhdueshme të ofertës mbi inflacionin për momentin.

Euro ka rënë gjithashtu nën barazinë me dollarin, gjë që mund t’i bëjë mallrat e importuara më të kushtueshme, veçanërisht naftën, e cila është me çmim në dollarë.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika