Astronautia Pranvera Hyseni, është kthyer nga Amerika duke i sjellur të gjitha pajisjet e nevojshme për aktivizimin e Planetariumit Kombëtar të Kosovës.
E ftuar në emisionin “Rreth e Rrotull” në Tv Dukagjini, Hyseni ka thënë se këto pajisje optike janë të siguruara nga miku ynë në SHBA, Jack Dunn, me vlerë rreth 50,000 dollar, që do të instalohen në Observatorin tonë, duke përfshi teleskopin 14 inç.
Të gjitha pajisjet janë të siguruara donacion nga markat: Celeston, Sky-Watcher USA, Charlie Bates Solar Astronomy Project/Sunlit Earth.
Secili prej astronomëve që ndihmuan në sigurimin e këtyre pajisjeve, siç tha Hyseni, janë në dijeni për hapjen e Observatorit dhe Planetariumit Kombëtar të Kosovës në Shtime.
Ndërtimet e Observatorit kanë përfunduar sipas astronautes Pranvera Hyseni, ajo falënderon ministrin e Arsimit dhe Komunën e Shtimes që së bashku e ndërtuan këtë objekt.
Për funksionalizimin e kësaj ndërtese është dashur sjellja e pajisjeve optike, të cilat disa kanë arritur e disa të tjera janë rrugës, ka thënë Hyseni.
Astronautia Hyseni njoftoi se teleskopi 14 inç, ka aparaturë të sofistikuar i cili lejon shikimin e objekteve qiellore të magnitudës shumë të vogël.
Hyseni, gjithashtu njoftoi se Obsevratoi dhe Planetariumi Kombëtar i Kosovës pritet të hapet gjatë muajit qershor.