Dy të dyshuar meshkuj janë arrestuar nën dyshimin se ata kanë kryer veprat, fajde dhe detyrim.
Raporti 24-orësh i Policisë së Kosovës bën të ditur se, përgjatë kontrollimit të tre lokacioneve të ndryshme, Policia e Kosovës ka sekuestruar armë, një shumë parash dhe jo vetëm.
“Gjatë kontrollit të tri lokacioneve të ndryshme janë gjetur dhe sekuestruar dy armë të gjata, një armë e shkurtër, 261 fishekë, 5000 € para të gatshme, dy telefona dhe disa kontrata”, thuhet në raport.
Rasti ka ndodhur të premten, në Podujevë.
Ndër të tjera, bëhet e ditur se me vendim të prokurorit, të dyshuarit janë dërguar në mbajtje.