Gjenden disa eshtra në Mitrovicë, dyshohet se janë nga lufta e fundit

Në varrezat e Zabërgjë të Mitrovicës janë gjetur disa eshtra të cilët dyshohet se i takojnë periudhës së luftë së fundit. Për RTV Dukagjin flet personi i cili hasi në këta eshtra duke hapur një varr për një bashkëfshatar të tij. Nga Komisioni qeveritar për të pagjeturit bëhet e ditur se eshtrat janë dërguar ekzaminim në Institutin e Mjekësisë Ligjore

Foto ilustrim

Mëngjesin e të premtës, Mulla Rexhep Lushta zakonshëm ishte ftuar për të kryer procedurat fetare të një varrimi.

Por kur punonjësit e xhamisë kishin filluar të hapnin varrin, kishin hasur në diçka që atyre u duk e dyshimtë.

Në mesin e këtyre varrezave në fshatin Zabërgjë të Mitrovicës, janë gjetur eshtra që po pretendohet, të jenë të njeriut, e që dyshohet të jenë mbetje mortore nga lufta e fundit në Kosovë.

Një gjë të tillë e konfirmon edhe Lushta.

“Ne e kemi dërgu ekipën tonë për me hapë një varr atje, e kemi pas një rast vdekje, dhe e kemi dërgu ekipën tonë me e hapë një varr, ndërkohë duke hapë, e kanë gjetë atë kufomë, më tepër nuk di, e kemi lajmëru Bajram Qerkinin”, ka thënë Lushta.

E Bajram Qerkini nga shoqata “Zëri i Prindërve”, thotë se kishte njoftuar menjëherë organet kompetente.

“Në mëngjes i ka vdekë nëna Mulla Cenit, ai është i Zabërgjës, kanë shku me hapë varrin e nënës, ekipa të cilët janë të Mitrovicës, në vendin që kanë dashtë me hapë varrin kanë hasë në një batanije të mbështjellur, një kufomë. Më kanë thirrë, u kam thënë mos  e prekni, hapne diku tjetër varrin deri sa të vijnë policia, policia lokale kanë shku, i kena thirrë qëndroret, edhe i kanë marrë eshtrat  ashtu sic kanë qenë, të paprekura, i kanë dërgu në mjekësinë ligjore”, ka theksuar Qerkini.

Nga Komisioni qeveritar për të pagjeturit bëjnë të ditur se tashmë kanë nisur procedurat për identifikimin e eshtrave.

“Është vepruar menjëherë në kuptim të angazhimit institucional, në këtë rast kemi njoftuar sektorin e policisë për krime të luftës, të cilët përmes njësitit për persona të zhdukur, në kuadër të policisë dhe njësiteve tjera relevante,  me përkrahjen e antropologut mjekoligjor, kanë qenë në vendngjarje dje, dhe i kanë tërhequr eshtrat në fjalë”, është shprehur Kushtrim Gara nga Komisioni Qeveritar për të Pagjeturit.

Njoftimin për gjetjen e eshtrave e ka bërë Policia e Kosovës.

Ndërsa Komisioni Qeveritar për të pagjetur u ka bërë thirrje qytetarëve që të njoftojnë që nëse hasin në eshtra të dyshimta.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika