Gjendet e vdekur një shtetase e huaj në magjistralen Ferizaj – Prishtinë

Një shtetase e huaj është gjetur e vdekur mbrëmjen e së mërkurës në magjistralen Ferizaj-Prishtinë. Zëdhënësi i Policisë, Bajram Krasniqi, ka thënë për Dukagjinin se trupi i pajetë është gjetur i shtrirë në autostradën “Arbër Xhaferi”, dhe pas konfirmimit të vdekjes nga mjeku kujdestar, me urdhër të prokurorit, trupi i pajetë është dërguar në IML për obduksion

Ilustrim

Një grua është gjetur e vdekur mbrëmjen e së mërkurës në magjistralen Ferizaj – Prishtinë.

Lajmin për Dukagjinin e ka konfirmuar zëdhënësi i Policisë, Bajram Krasniqi, i cili ka thënë se mjeku kujdestar ka konfirmuar se personi femër, shtetase e huaj, është pa shenja jete.

Ai ka bërë të ditur se trupi i pajetë është vërejtur rreth orës 20:00 nga një patrullë policore e autostradës në shiritin emergjent të autostradës “Arbër Xhaferi” në kilometrin e 24-të.

“Sot rreth orës 20:00, në autostradën ‘Arbër Xhaferi’ drejtimi Ferizaj-Prishtinë  km i 24-të,  patrulla  policore e autostradës, ka vërejtur një person  të shtrirë në rrugë (shiritin emergjent).  Policia ka njoftuar emergjencën, mjeku kujdestar ka konfirmuar se personi femër, shtetase e huaj është pa shenja jete. Në vendngjarje kanë dalë njësitet relevante për trajtimin e rastit, po ashtu ka dalë edhe prokurori” ka thënë Krasniqi për Dukagjinin.

Ndërsa, me urdhër të prokurorit, trupi i pajetë është dërguar në Institutin e Mjekësisë Ligjore (IML) për obduksion dhe rasti mbetet nën hetime.

Shija e redaktorit

Lansohet platforma e-Komuna, Kurti: Drejt një qeverisjeje digjitale me fokus...

Ministria e Administrimit të Pushtetit Lokal ka organizuar të premten ceremoninë e lansimit të shërbimeve të e-Komuna, e cila është pjesë e platformës shtetërore...

ASK: Në Kosovë s’ka rënie të madhe të numrit të...

Procesi i regjistrimit të popullsisë në Kosovë përfundon këtë të premte, pas fillimit të tij më 5 prill, rezultatet preliminare të të cilit pritet...

Osmani bisedon me homologun gjerman, diskuton rëndësinë e anëtarësimit të...

Presidentja e Kosovës, Vjosa Osmani, të martën mbrëma ka zhvilluar një bisedë telefonike me homologun gjerman, Frank-Walter Steinmeier. Në një postim në rrjetin social "X",...

Të fundit nga rubrika