Gjendet i vdekur i dyshuari për sulmin masiv në Los Angeles

Policia e Kalifornisë ka identifikuar personin e armatosur të dyshuar për vrasjen e 10 personave në një studio vallëzimi pranë Los Angeles-it, 72 vjeçar, i cili më vonë u gjet i vdekur në një furgon të bardhë

FOTO: BBC

Policia amerikane ka identifikuar personin e armatosur që dyshohet se vrau 10 persona në një studio vallëzimi në Monterey Park në Los Angeles.

BBC raporton se i dyshuari 72-vjeçar u gjet i vdekur në një furgon të bardhë, ndërsa kishte kryer vrasje në një studio vallëzimi, ende pa u ditur motivi.

Dhjetë të tjerë janë të plagosur e shtatë prej tyre në spital, ku disa prej tyre në gjendje të rëndë shëndetësore.

Festimet për Vitin e Ri Hënor ishin duke u zhvilluar në Monterey Park, i njohur për popullsinë e tij të madhe aziatike.

Të shtënat masive, një nga më vdekjeprurësit në historinë e Kalifornisë kanë ndodhur të shtunën në studion e njohur të kërcimit Star Ballroom në Monterey Park.

Shefi i policisë, Scott Wiese ka thënë se ajo që gjetën oficerët e tij ishte një “skenë kasaphane” dhe se oficerët e parë që arritën atje ishin disa nga më të rinjtë në skuadrën e tij, pasi sapo kishin përfunduar stërvitjen e tyre disa muaj më parë.

“Ata hasën në një skenë për të cilën asnjëri prej tyre nuk ishte përgatitur,” ka thënë ai.

“Kishte të plagosur brenda dhe të vdekur brenda. Oficerët e mi të rinj bënë punën e tyre.”

30 minuta pas krimit kishte mbërritur edhe një person tjetër i armatosur, por disa dëshmitarë ia hoqën armët, derisa i dyshuari u arratis.

Shija e redaktorit

Sulmuesi i përfaqësueses së Kosovës Muhamet Hyseni zyrtarizohet tek AC...

Të verdhit e rrezikshëm siç njihen në futbollin danez “AC Horsens” kanë arritur të bëjnë goditje të rëndësishme për afatin e ri kalimtar të...

Fermeri 74 vjeçar i shtëpisë së të moshuarve e funksionalizon...

Domate, speca, tranguj, kunguj e plot lloje të tjera perimesh janë të gjeturat e stinës në këtë serrë, mu në zemër të kryeqytetit. Ajo gjendet...

Shefja e katalunasve në Parlamentin e Spanjës: S’do të ndalemi...

Partia katalunase “Junts per Catalunya” kanë marrë një iniciativë në Parlamentin e Spanjës për t’i kërkuar Qeverisë së Spanjës njohjen e pavarësisë së Kosovës...

Të fundit nga rubrika