Dy persona janë arrestuar pasi autoritetet kanë gjetur dhe më vonë kanë çaktivizuar një pajisje të mundshme shpërthyese në aeroportin e qytetit Billy Bishop në Toronto.
“Rreth orës 16:00 të së shtunës së 22 tetorit është gjetur një pajisje në një biçikletë të parkuar pranë terminalit të trageteve në anën e ishullit të aeroportit”, sipas llogarisë në mediat sociale të aeroportit.
Terminali i trageteve dhe tuneli janë mbyllur “për një kujdes të madh”, pasi biçikleta u hoq nga policia. Pasagjerët në terminal janë evakuuar më vonë dhe dy fluturime të Air Canada janë devijuar në Hamilton aty pranë, sipas aeroportit.
“Pajisja është çarmatosur dhe Shërbimet e Policisë së Torontos kanë përfunduar hetimin e tyre dhe kanë lëshuar vendin”.
Dy “persona me interes” janë në paraburgim. Autoritetet nuk kanë dhënë detaje shtesë për llojin e pajisjes së gjetur, ka njoftuar policia, raporton CNN.
Aeroporti Billy Bishop është afërsisht 10 milje në juglindje të aeroportit më të ngarkuar të qytetit, Toronto Pearson International.