Një i mitur është gjetur pa shenja jete të mërkurën pasdite në fshatin Palabardh të Gjakovës, ka konfirmuar për Dukagjinin Policia e këtij rajoni.

Sipas Policisë së Kosovës, rreth orës 18:00 është pranuar informacioni se një i mitur është gjetur pa shenja jete.

Menjëherë në vendin e ngjarjes kanë dalë njësitë relevante policore, si dhe ekipi mjekësor emergjent.

Mjeku kujdestar ka konstatuar vdekjen e viktimës në vendngjarje.

Në koordinim me prokurorin e shtetit, rasti është iniciuar si “Hetim i vdekjes”.