Një person është gjetur pa shenja jete sot rreth orës 02:00 në katin e katërt të një ndërtese, në rrugën “Adem Jashari” në Pejë.
Lajmin për Portalin Dukagjini e ka konfirmuar zëdhënësi i Policisë së Kosovës për rajonin e Pejës, Fadil Gashi.
Vdekjen e viktimës e ka konstatuar mjeku kujdestar, ndërsa me urdhër të prokurorit trupi i pajetë është dërguar në Institutin e Mjekësisë Ligjore (IML) për obduksion.
“Një trup i pajetë është gjetur sot rreth orës 02:00 në katin e katërt të një ndërtese në rrugën ‘Adem Jashari”, në Pejë. Në vend ngjarje menjëherë ka dalë policia dhe ekipi mjekësor. Mjeku e ka konstatuar vdekjen e viktimës. Ndërkaq rasti është cilësuar si ‘hetim mbi vdekjen’. Me urdhër të prokurorit trupi i pajetë është dërguar në IML për obduksion”, ka thënë Gashi.