Ditën e shtunë të 14 majit është gjetur një person rreth moshës 50 vjeçare pa shenja jete në fshatin Dobërllukë të Komunës së Vushtrrisë.
Këtë lajm e ka konfirmuar zëdhënësi i Policisë së Kosovës për rajonin e Mitrovicës, Ilmi Prekazi për gazetën Telegrafi.
Zëdhënësi i Policisë ka thënë se njësitë kompetente të policisë kanë dalur direkt në vend të ngjarjes ku aty ka qenë e pranishme edhe emergjenca.
“Sipas informatës së pranuar nga policia, në fshatin Dobërllukë të Vushtrrisë është një trup i gjakosur i një personi mashkull, i moshës rreth 50 vjeçare. Njësitë kompetente të Policisë menjëherë kanë dalë në vendin e ngjarjes e po ashtu edhe emergjenca ka dalë në vendngjarje dhe ka konstatuar se trupi është pa shenja jete”, ka shtuar Prekazi.
“Do të merren të gjitha veprimet hetimore për zbardhjen e plotë të rrethanave të rastit. Për informata tjera ju njoftojmë me kohë”, ka thënë Prekazi.