Tre shtëpi janë djegur nga zjarri i cili ka përfshirë pjesë të Bërdicës, në Shkodër.
Banorët e dy shtëpive janë evakuuar nga forcat zjarrfikëse dhe ushtria e vendit gjersa raportohet se e treta kishte qenë e pabanuar prej kohësh.
Raportohet se zjarret kanë rrethuar të gjithë Shkodrën, nga Postriba në Bardhaj e deri në kufirin me Malësinë e Madhe.
Një zjarr i përmasave të mëdha ka përfshirë edhe kodrat në zonën e Shënepremtes në Lushnjë, raporton TCH.
Mësohet se flakët kanë përfshirë disa kodra me ullinj, të favorizuara edhe nga erërat e forta dhe temperaturat e larta të gushtit.
Sipas të dhënave nga Qendra Kombëtare Operacionale e Emergjencave Civile ne AKMC, gjatë 24 orëve të fundit janë raportuar 26 vatra zjarri.