Gjendja më e mirë në komunat e Kosovës pas vërshimeve

Vërshimet në Istog





Pejë

Vërshimet e ditës së diel kanë shkaktuar shumë dëme në shumë komuna të Kosovës. Një ditë pas, gjendja jo e mirë është duke vazhduar por është më e qetë se sa disa orë më parë.

Gjendjen më të mirë në komunën e Pejës, e ka konfirmuar Faik Zekaj, zëdhënës i kësaj komune, i cili ka thënë se për shkak të ndaljes së reshjeve të shiut situata është më stabile.

Zekaj për RTV Dukagjinin, është shprehur se ende ekziston rreziku sidomos pas rritjes së nivelit të ujit në lumin “Lumbardh”.

“Frikën e kemi tek Lumbardhi meqë është rritur shumë. Janë dy apo tri shpi që ka hyrë uji në atë zonë. Rreziku ka qenë më I madh, por janë mobilizuar të gjitha ekipet. Nuk ka pasur nevojë që të evakuohen familjet”, ka thënë ai.

Tutje Zekaj ka treguar për dëmet që janë shkaktuar si pasojë e vërshimeve.

“Është shembur një pjesë e shëtitores por jo ne qendër. Nuk është pjesë e madhe, por është e menaxhueshme”, ka thënë ai.

“Ka rrëshqitje të dheut në Drelaj në Rugovë, por është liruar rruga. Disa rrugica kanë pasur vështirësi por të gjitha rrugët në Pejë janë të kalueshme”, ka vijuar ai.

Istog

Drejtori i Zhvillimit Ekonomik, Genc Ademaj, ka thënë për RTV Dukagjinin se përkundër që vërshimet janë duke vazhduar, rrugët janë ende të qarkullueshme përveç rrugës tek Ura në fshatin Zllaq.

“Fatkeqësisht vërshimet ende po vazhdojnë. Kemi vazhduar me ekipet që jemi duke i përcjellë situatat. Janë disa përmbytje, në pjesën e shtatit të lumit Drin. Rrugët janë të qarkullueshme, përveç rrugës tek Ura në Zllaq. Nuk ka pasur nevojë të evakuohen qytetarët”, ka thënë ai.

Si pasojë e këtyre vërshimeve në disa shkolla të komunës së Istogut, ditën e hënë nuk është duke u mbajtur mësimi, për shkak të dëmeve që kanë shkaktuar reshjet e shiut.

Vushtrri

Pas reshjeve të dendura të shiut, kryetari i Komunës së Vushtrrisë, Ferit Idrizi të dielën e 20 nëntorit ka marrë vendim për formim të Shtabit për Gatishmërinë Emergjente.

Idrizi në një prononcim për Portalin Dukagjini ka thënë se pas intervenimeve dhe inspektimeve në zonat e prekura nga reshjet e shiut, tani situata është e menaxhueshme dhe nën kontroll.

“Të gjitha rrugët në qytetin e Vushtrrisë janë të kalueshme, asnjë familje nuk është e përmbytur nga reshjet dhe nuk ka pasur nevojë për evakuim, ka pasur dëme në toka bujqësore dhe të mbjella, si Nadakovc, Pestovë e Samadrexhë”, ka deklaruar Idrizi.

Ndër të tjera, ai ka bërë të ditur se është krijuar edhe ekipi emergjent dhe janë lëshuar pesë numra kontaktues për qytetarët në rast se kanë nevojë.

Skënderaj

Se është gjendje më e mirë se të dielën mbrëma, e ka konfirmuar edhe kryetari i Skënderajt, Fadil Nura.

Në një prononcim për RTV Dukagjinin, Nura ka thënë se komisioni është duke i bërë vlerësimet e dëmeve.

I pyetur se në cilat fshatra ka më shumë probleme, kryetari i Skënderajt, ka thënë se “Kryesisht Llaushë, Tushilë dhe Kllodernic, Klina e Epërme”.

Nura, theksoi se përkundër gjendjes jo të mirë nuk ka pasur nevojë për evakuim të qytetarëve.





Shija e redaktorit

Xhubleta shqiptare në 110- vjetorin e Pavarësisë bëhet pjesë Komitetit...

Ministrja e Kulturës së Shqipërisë, Elva Margariti, përmes një videoje të publikuar në llogarinë zyrtare të Ministrisë së Kulturës në Facebook, ka bërë të...

Me pushkë e me penë – 110 vjet shtet

Gjithçka, nisi më 28 Nëntor të vitit 1443. Në këtë ditë, heroi kombëtar i shqiptarëve, Gjergj Kastrioti, ngriti flamurin e shqiponjës dykrenare mbi Kalanë e...

“Nëntori i Ftohtë” i regjisor Ismet Sijarina, nga tash e...

Filmi i metrazhit të gjatë artistik “Nëntor i ftohtë” me regjisor Ismet Sijarina, është bërë pjesë e Netflix International, shërbimit të transmetimit të shfaqjeve...

Më të lexuarat

“Për shkak të Qeverisë Kurti 1, djali im nuk do...

Ish-ministrja e Kulturës Rinisë dhe Sportit, Vlora Dumoshi, në emisionin ‘Personale’ me Krenare Vokshi-Shala, ka treguar se si djali i saj, Rroni, i cili...

Gruaja që u keqtrajtua tash është në gjendje të mirë

Zhaneta Nura, vajza e gruas e cila u maltretua fizikisht dhe psiqikisht nga një infermiere, tash është mirë dhe është qetësuar. Nura këtë e tha...

Vrasja në QKUK: Gruaja e vrarë ishte shtatzënë, u qëllua...

Gruaja shtatzënë e cila ka humbur jetën, është qëlluar me armë zjarri nga një person i cili dyshohet se është burri i saj. Kështu...

Të fundit nga rubrika