Kapiteni i Lirisë, Robert Gjeraj e ka quajtur të “tmerrshme” përleshjen e tifozëve në ndeshjen Llapi – Ballkani gjatë ditës së sotme.
Në emisionin “Dueli Sportiv” në RTV Dukagjini, ai tha se “unë mendoj që kjo që ka ndodhur sot është e tmerrshme. Me ndodhë kjo 20 vite pas lufte është katastrofë. Nuk është hera e parë që ka ndodhur, për një periudhë shumë të shkurtër po ndodh disa herë”.
Gjeraj po ashtu shtoi se “para disa ditëve e pashë një postim ku tifozët e Ballkanit dhe Dritës qëndronin bashkë, e kishin marrë si shembull, kurse tani pas disa ditëve me ndodhë kjo është e papranushme”.
“Dueli Sportiv” do të vazhdojë çdo të diel, me fillim nga ora 22:00.
Përveç lajmeve nga sporti vendor, po ashtu, do të ketë edhe shumë risi edhe nga sporti ndërkombëtar.