Kancelari Olaf Scholz ka njoftuar të enjten e 29 shtatorit se qeveria do të riaktivizojë një fond stabilizues ekonomik dhe “do të bëjë gjithçka që mundet” për të ulur çmimet.
Gjermania ka përdorur më parë të ashtuquajturën “mburojë mbrojtëse” për të mbështetur vendin gjatë krizës financiare globale dhe pandemisë COVID-19.
Fondi do të kufizojë çmimin që klientët gjermanë paguajnë për gazin dhe do t’i lehtësojë ata nga inflacioni.
Ministri i Financave Christian Lindner ka këmbëngulur se fondi stabilizues ekonomik nënkupton se Gjermania nuk do të ndjek rrugën e Britanisë së Madhe, raporton euronews.
Qeveria britanike ka njoftuar kohët e fundit ulje taksash të financuara nga huamarrja për të mbrojtur shtëpitë dhe bizneset nga rritja e çmimeve të energjisë.