Gjermania synon të blejë sistem të mbrojtjes raketore izraelite ose amerikane

Berlini po shqyrton blerjen e një sistemi të mbrojtjes raketore nga Izraeli ose Shtetet e Bashkuara për t’u mbrojtur kundër kërcënimeve, duke përfshirë raketat ruse Iskander në Kaliningrad, raportoi të shtunën e përjavshmja gjermane Welt am Sonntag.

Raketat Iskander mund të arrijnë, pothuajse, të gjithë Evropën Perëndimore, dhe nuk ka asnjë mburojë raketore për t’u mbrojtur kundër këtij kërcënimi, ka thënë shefi i mbrojtjes gjermane Eberhard Zorn për Welt am Sonntag në një intervistë të shtunën.

German Defense Minister speaks on coronavirus containment measures
Eberhard Zorn, Inspector General of the Bundeswehr.

“Izraelitët dhe amerikanët zotërojnë sisteme të tilla. Cilin preferojmë ne?

A do të arrijmë të krijojmë një sistem të përgjithshëm (mbrojtje raketore) në NATO?

Këto janë pyetjet që duhet t’u përgjigjemi tani,” ka thënë Zorn.

Ai nuk specifikoi emrat e sistemeve, por ka shumë të ngjarë t’i referohej Arrow 3 të ndërtuar nga Israel Aerospace Industries (IAI)  dhe sistemit amerikan THAAD të prodhuar nga Raytheon.

A U.S. Army Terminal High Altitude Area Defense (THAAD) weapon system is seen on Andersen Air Force Base

Rusia tha në vitin 2018 se kishte vendosur raketa Iskander në enklavën e saj të Kaliningradit, pjesë e Rusisë e vendosur midis Polonisë dhe Lituanisë.

Një sistem i lëvizshëm i raketave balistike Iskander zëvendësoi raketën Sovjetike Scud, dhe dy raketat e tij të drejtuara mund të mbajnë koka luftarake konvencionale ose bërthamore.

Në një fjalim historik, disa ditë pas pushtimit rus të Ukrainës më 24 shkurt, kancelari gjerman Olaf Scholz ka thënë se,  “Berlini do të rrisë shpenzimet e tij të mbrojtjes në më shumë se 2% të prodhimit të tij ekonomik, duke injektuar 100 miliardë euro në ushtri”.

Zorn i përket një grupi zyrtarësh të rangut të lartë që konsultohen me Scholz-in se si t’i shpenzojnë këto para.

“Deri më tani, vetëm një gjë është e qartë: ne nuk kemi as kohë dhe as para për t’i zhvilluar vetë këto sisteme (mbrojtje raketore), sepse dihet se kërcënimi i raketave tashmë ekziston”, ka thënë Zorn.

Duke iu referuar mungesës së Gjermanisë për një mbrojtje raketore me rreze të shkurtër, e cila mund të përdoret për të mbrojtur trupat në lëvizje ose nën kërcënim gjatë dislokimit, ai tha se Berlini kishte filluar të kërkonte blerjen e sistemeve të tilla dhe tani duhet të marrë një vendim.

The inglorious Bundeswehr – POLITICO

Përtej kësaj, Bundeswehr-i do të duhet të investojë 20 miliardë euro deri në vitin 2032 për të rimbushur depot e municioneve, ka shtuar Zorn.

Shija e redaktorit

Lansohet platforma e-Komuna, Kurti: Drejt një qeverisjeje digjitale me fokus...

Ministria e Administrimit të Pushtetit Lokal ka organizuar të premten ceremoninë e lansimit të shërbimeve të e-Komuna, e cila është pjesë e platformës shtetërore...

ASK: Në Kosovë s’ka rënie të madhe të numrit të...

Procesi i regjistrimit të popullsisë në Kosovë përfundon këtë të premte, pas fillimit të tij më 5 prill, rezultatet preliminare të të cilit pritet...

Osmani bisedon me homologun gjerman, diskuton rëndësinë e anëtarësimit të...

Presidentja e Kosovës, Vjosa Osmani, të martën mbrëma ka zhvilluar një bisedë telefonike me homologun gjerman, Frank-Walter Steinmeier. Në një postim në rrjetin social "X",...

Të fundit nga rubrika