Gjermania synon të blejë tanke dhe obusë të rinj

Ligjvënësit gjermanë dhanë dritën jeshile për të blerë 18 tanke luftarake dhe 12 obus vetëlëvizës si pjesë e një porosie me vlerë rreth 843 milionë euro (910 milionë dollarë) për të zëvendësuar pajisjet e dërguara në Ukrainë

Foto ilustrim

Gjermania do të blejnë 18 tanke të llojit Leopard 2 dhe 12 obusë vetëlëvizës, për të rimbushur rezervat, pasi ky shtet i dha armë të tilla Ukrainës.

Kështu ka thënë për Reuters një anëtar i Komitetit parlamentar për buxhet, që miraton blerjet e armëve të reja.

Vlera për 18 tanke do të jetë 525.6 milionë euro, ndërkaq për obusët, Gjermania do të shpenzojë 190.7 milionë euro. Këto armë pritet të dërgohen në Gjermani të paktën deri në vitin 2026, sipas dokumentit të Ministrisë së Financave që pritet t’i dërgohet Parlamentit gjerman.

Në blerjen e re të armëve përfshihet edhe mundësia e blerjes së 105 tankeve të tjera për rreth 2.9 miliardë euro.

Gjermania i ka dhënë Ukrainës 18 tanke Leopard 2, në mënyrë që ta ndihmojë Kievin të përballet me pushtimin rus që nisi vitin e kaluar, raporton REL.

Berlini planifikon që të rimbushë stoqet me tanke sa më shpejt që të jetë e mundur.

Blerja e 12 obusëve është pjesë e planit të Ministrisë së Mbrojtjes që është miratuar në mars në Parlamentin gjerman, teksa shteti mëton të blejë deri në 28 obusë për të rimbushur rezervat.

Si tanket Leopard, ashtu edhe obusët që pritet të blihen, prodhohen nga kompania KMW dhe Rheinmetall.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika