Kryetari i Komunës së Gjilanit, Alban Hyseni, tashmë ka nënshkruar marrëveshje për projektin e qarkores së re të qytetit me zëvendësministrin e Infrastrukturës, Hysen Durmishi.
Projekti kap vlerën e rreth 27 milionë eurove, dhe, sipas komunës, është investimi më i madh infrastrukturor në historinë e qytetit të Gjilanit.
“Sapo nënshkruam projektin më të madh infrastrukturor në historinë e Gjilanit, në vlerë totale prej 27 milionë eurosh. Sivjet nisin punimet në fazën e parë të këtij projekti që do t’i lidhë të gjitha rrugët kryesore të Gjilanit. Qeveria për komunat”, kështu ka shkruar zëvendësministri Durmishi, në Facebook.
Qarkorja e re e qytetit ka gjatësi rreth 20 kilometra, 4 korsi që do t’i lidhin të gjitha rrugët magjistrale.
“Gjilani me qeverisje të ndershme e plot dinjitet tashmë ka kthyer vëmendjen meritore”, ka shkruar mes tjerash Hyseni, në Facebook.