Nënkryetari i Aleancës për Ardhmërinë e Kosovës, Ardian Gjini, ka folur për pranimin e planit franko-gjerman nga Kosova dhe Serbia, që do të mund të qonte të dyjave vendet drejt normalizimit të marrëdhënieve mes dy vendeve.
Sipas tij, brenda këtij propozimi është edhe njoha e Kosovës nga ana e Serbisë, duke theksuar se më rëndësishme për Kosovën është njoha nga pesëshja e BE-së dhe integrimi në institucionet ndërkombëtare.
“…Se si ne e kemi lexuar, kjo marrëveshje është njohje e ndërsjellë midis dy vendeve, dy entitete ia njohin njëra- tjetrës simbolet, kufijtë, dokumentet zyrtare e gjithçka tjetër. Zotohen që mos të flasin për njëri- tjetrin, pra po flasim për një njohje de fakto po i themi, por mund t`iu them se de jure nuk ka qysh mos të ndodh në një moment, por për Kosovën e kemi thënë shpesh, gjëja më e rëndësishme në vetvete, nuk është njohja prej Serbisë, por njohja është njohja prej pesë vendeve hezituese të Unionit Evropian, integrimi në institucione ndërkombëtare dhe në NATO…”, ka thënë Gjini në “Blic InterVeiw” me Astrit Gashin.