Kreu i Partisë Demokratike të Socialistëve dhe kandidati i saj për president Milo Gjukanoviq ka thënë se shteti i Malit të Zi është në gjendje të tillë që nuk do të mund të marrë më kredi.
“Nëse shteti vazhdon të menaxhojë financat publike si në periudhën e kaluar, Mali i Zi do të përballet me një skenar grek”, ka deklaruar Gjukanoviq .
“Shkalla e shpallur e tatimit mbi fitimin prej 33 për qind do të bëjë që investitorët të largohen”.
“Ky vend është në një gjendje të tillë që nuk do të mund të marrë më një kredi. Bankat shohin se kanë një klient të dehur”, ka shtruar ai.
Më tej, ai ka thënë se në dy vitet e fundit beson se gjithçka është shlyer ose investitorët janë përzënë.
“Ky është absolutisht një menaxhim i papërgjegjshëm i ekonomisë që çon në shembjen e themeleve ekonomike të shtetit. Dhe aty ku nuk ka baza ekonomike, zhduket edhe shteti”, ka përfunduar ai raporton mprotal.me, përcjell Dukagjini.com.