Gjykata Evropiane e të Drejtave të Njeriut ka vendosur të enjten e 7 korrikut se institucionet greke nuk kanë mbajtur përgjegjësi për fundosjen e anijes me emigrantë në Detin Egje në vitin 2014.
Gjykata Evropiane e të Drejtave të Njeriut ka thënë se për këtë rast ka pasur shkelje të së drejtës për jetë dhe shkelje të ndalimit të trajtimit çnjerëzor.
Rasti për të cilin u diskua në Gjykatë ishte për fundosjen e një anije peshkimi në detin Egje në vitin 2014. Në këtë anije peshkimi nga 27 shtetas të huaj, 11 persona kanë humbur jetën.
“Gjykata konstatoi se kishte mangësi në procedurë, se autoritetet kombëtare nuk kryen një hetim të plotë dhe efektiv që mund të hedhë dritë mbi rrethanat në të cilat anija u mbyt dhe se ata nuk bënë gjithçka që mund të pritej në mënyrë të arsyeshme prej tyre dhe t’u sigurojë kërkuesve dhe të afërmve të tyre nivelin e mbrojtjes që kërkohet nga konventat ndërkombëtare”, thuhet në njoftimin e Gjykatës.
Gjykata Evropiane e të drejtave të Njeriut ka urdhëruar Greqinë t’u paguajë 330 mijë euro dëmshpërblim ankuesve.