Gjykata Penale e Tiranës vendosi “pro” kërkesës për ekstradimin e ish-ushtarit të UÇK-së, Dritan Goxhaj, duke i hapur rrugë gjykimit të tij në Hagë.
Goxhaj dhe avokatët e tij kanë pretenduar se qoftë arrestimi, qoftë kërkesa për ekstradim, janë të paligjshme, raporton gazetari i ABC News, Ermal Vija.
Kjo, për shkak se nuk mundet që fillimisht të kërkohet ekstradimi në Kosovë dhe më pas të shkojë në Hagë.
Sipas avokatëve, publikimi i emrave në Facebook nuk është një shkelje ligji.
Avokati i tij e ka cilësuar si një vendim politik. Për këtë është shprehur se brenda një afati 10-ditor, do t’i drejtohen Gjykatës së Apelit me Juridiksion të Përgjithshëm në Tiranë, për të rrëzuar vendimin e sotëm, raporton abcnews.al, përcjell Dukagjini.com