Gjykata Themelore në Prishtinë, të martën ka shtyrë ekzekutimin e vendimit të Kuvendit të komunës së Prishtinës për këmbimin e pronës në “Prishtina e re”, me pronat në Zllatar.
Vendimi erdhi pas kërkesës së Institutit të Kosovës për Drejtësi (IKD), duke thënë se vendimi nuk do të ekzekutohet deri kur Gjykata të vendosë për rastin.
Nga Gjykata thuhet se me propozimin për shtyrjen e ekzekutimit të vendimit, IKD-ja ka ofruar argumente të besueshme se në rastin konkret janë përmbushur në tërësi dhe në mënyrë kumulative të gjitha kushtet për shtyrjen e ekzekutimit të vendimit të Kuvendit Komunal të Komunës së Prishtinës, ashtu që ekzekutimi i këtij vendimi do të bënte dëm vështirë të riparueshëm.
Tutje, gjykata vlerësoi se shtyrja e ekzekutimit të këtij vendimi nuk është në kundërshtim me interesin publik dhe as nuk i sjell dëm të madh palës kundërshtare apo personit të interesuar. Përkundrazi, gjykata gjeti se pikërisht shtyrja e ekzekutimit të vendimit paraqet interes publik.
“Gjykata gjeti se me propozimin për shtyerjen e ekzekutimit të vendimit, IKD ka ofruar argumente të besueshme se në rastin konkret janë përmbushur në tërësi dhe në mënyrë kumulative të gjitha kushtet për shtyrjen e ekzekutimit të vendimit të Kuvendit Komunal të Komunës së Prishtinës, ashtu që ekzekutimi i këtij vendimi do të sjellte dëm vështirë të riparueshëm. Tutje, Gjykata vlerësoi se shtyrja e ekzekutimit të këtij vendimi nuk është në kundërshtim me interesin publik dhe as nuk i sjell dëm të madh palës kundërshtare apo personit të interesuar. Përkundrazi, Gjykata gjeti se pikërisht shtyrja e ekzekutimit të vendimit paraqet interes publik”, thuhet në njoftimin e IKD-së.
Duke aprovuar kërkesën e IKD-së për shtyrje të ekzekutimit të vendimit, gjykata vendosi se ky vendim nuk do të ekzekutohet, deri në momentin kur gjykata të vendosë mbi meritat e këtij rasti.