Gjysmëfinalja e parë i takon Pejës, mposht Golden Eagle Yllin

Gjysmëfinalja e parë e “Play-off”-it të basketbollit i takoi Pejës, ku mundi Golden Eagle Yllin, me një diferencë prej tri pikësh me rezultat 85:82

Gjysmëfinalet e “Play-off”-it filluan furishëm, ku në një sfidë shumë interesante Peja mundi kampionin aktual, Golden Eagle Yllin, me rezultat 85:82 (22:19, 26:22, 23:23, 14:18).

Çereku i parë ishte kryesisht i barabartë, ku disa herë u ndërruan kryesuesit, ndërsa vendasit në fund me pesë pikë radhazi e fituan këtë pjesë 22:19.

Vendasit vazhduan me lojë të mirë në periudhën e dytë, duke e ngritur epërsinë në dhjetë pikë, 43:33, ndërsa shkuan në pushim me shifrat 48:41.

Epërsia më e lartë në ndeshje u arrit pranë rezultatit 62:50, por mysafirët nuk u dorëzuan, për të afruar rezultatin në 68:64, ndërsa periudha e tretë përfundoi me një treshe nga Alban Veseli për 71:64.

Kampionët sërish tentuan në dhjetë minutat e fundit, ku afruan rezultatin në 81:79, por nuk arritën të bëjnë më shumë dhe pësuan humbje 85:82.

Te Peja u dalluan Brad Waldow me 22 pikë e dhjetë kërcime dhe Larry Thomas me 17 pikë e nëntë kërcime, kurse te Golden Eagle Ylli më i miri ishte Gëzim Morina me 16 pikë e tetë kërcime.

Ndeshja e ardhshme zhvillohet në Therandë, ndërsa, në finale kualifikohet skuadra që shënon tri fitore.

Shija e redaktorit

Spanja kampione e Evropës për herë të katërt

Ka mbaruar super ndeshja mes Spanjës dhe Anglisë në kuadër të finales së Kampionatit Evropian 2024. Pas një loje fantastike, Spanja ka përmbyllur ndeshjen me...

Spanja në finale, mposht Francën

Kombëtarja e Spanjës ka arritur kualifikimin në finale të Euro 2024, pasi mposhti me rezultat 2:1 kombëtaren e Francës në gjysmëfinale. Në pjesën e dytë...

Ballkani triumfon në ndeshjen e parë kualifikuese në Ligën e...

Ballkani ka fituar 2-1 ndaj Santa Coloman në 1/8 e fazës kualifikuese në Ligën e Kampionëve. Ndeshja nisi me një ritëm të qetë, por që...

Të fundit nga rubrika