Glauk Konjufca takon përfaqsuesit e partive, diskutojnë për reformën zgjedhore

Kryetari i Kuvendit të Kosovës, Glauk Konjufca e ka rikthyer temën e reformës zgjedhore.

Ai i ka thirrur në takim përfaqësuesit e partive politike për formimin e një Komisioni Ad-hoc për reformën zgjedhore.

Përmes një postimi në Facebook, kryetari i kuvendit bëri të ditur se bashkë më përfaqësuesit e partive politike, e kanë nënshkruar një deklaratë të përbashkët ku parashihet themelimi i komisionit për reformën zgjedhore.

“Sot, me datën 13 prill 2022 në Kuvendin e Republikës së Kosovës u mbajt një takim konstitutiv për formimin e Komisionit Ad-hoc për reformën zgjedhore. Në takim u nënshkrua deklarata e përbashkët për themelimin e këtij komisioni dhe po ashtu u dakordua për formulën e komponimit të komisionit”, thuhet në postimin e Konjufcës.

Në njoftim thuhet se do të themelohet një grup këshillëdhënës i cili do të përbëhet nga përfaqësues të shoqërisë civile të Kosovës që kanë pasur përvojë me reformën zgjedhore.

Në vitin 2011, Kuvendi i Kosovës kishte miratuar një rezolutë e cila po ashtu kishte themeluar dy komisione ad hoc, në mënyrë që të ndryshohej legjislacioni aktual zgjedhor.

Në po të njëjtin vit,  Komisioni Evropian kishte rekomanduar shtetin e Kosovës, nisjen e reformës zgjedhore, por edhe pas 11 viteve tjera, kjo reformë nuk ka filluar.

Shija e redaktorit

 Themelorja lë në fuqi aktakuzën ndaj dy ish-ministrave Endrit Shala...

Gjykata Themelore në Prishtinë ka refuzuar kërkesat për kundërshtim të provave dhe për hudhje të aktakuzës, të parashtruara nga mbrojtja e dy ish-ministrave të...

Ambasada britanike për njohjen e Kosovës nga Sudani: Një moment...

Ambasada e Mbretërisë së Bashkuar në Prishtinë përmes një postimi në Facebook e ka uruar Kosovën për njohjen e marrë nga shteti afrikan, Sudani. Ambasada...

Sudani e njeh pavarësinë e Kosovën

Sudani, shtet në verilindje të Afrikës, e ka njohur pavarësinë e Kosovës të shtunën. Lajmin për njohjen e Kosovës nga Sudani e ka dhënë e...

Të fundit nga rubrika