Goditi me veturë një këmbësore, arrestohet e suspendohet polici në Obiliq

Inspektorati policor ka arrestuar dhe suspenduar një polic nga puna, për shkak se dyshohet se goditi me veturë një këmbësore, jashtë detyrës zyrtare me veturë private

Policia e Kosovës
Policia e Kosovës

Një këmbësore ka marrë lëndime trupore pasi është goditur me veturë në Obiliq.

Siç njofton Inspektorati Policor i Kosovës (IPK), i dyshuari për shkaktimin e aksidentit është një zyrtar policor.

I njëjti është arrestuar mbrëmë nga zyrtarët e IPK-së dhe është suspenduar nga puna.

“Sipas hetimeve fillestare ,aksidenti është raportuar të ketë ndodhur dje (më 22.01.2024) rreth orës 17:00 në rrugën “Hasan Prishtina” në Obiliq dhe dyshohet se drejtuesi i automjetit ka goditur këmbësoren e cila në ato momente kishte qenë duke e kaluar rrugën”, thuhet në njoftim.

Viktima ka marrë lëndime trupore dhe është dërguar për tretman mjekësor.

“Pasi që ka ndodhur aksidenti, vozitësi ka dërguar për tretman mjekësor të lënduarën në Qendrën e Mjekësisë Familjare në Obiliq, e më pas nga stafi mjekësor e njëjta është dërguar për trajtim në QKUK Prishtinë”, thuhet tutje në njoftim.

Në anën tjetër, polici i cili ushtron funksionin e tij në Obiliq, ishte jashtë detyrës zyrtare gjatë kohës kur dyshohet se shkaktoi aksidentin dhe se ishte me veturë private.

Për rastin është njoftuar edhe prokurori i shtetit, dhe me urdhër të këtij të fundit pas intervistimit, është lëshuar edhe vendimi për dërgimin e policit në mbajtje.

“Pas veprimeve hetimore, me dyshimin se ka kryer veprën penale “Rrezikimi i Trafikut Publik” nga IPK është arrestuar i dyshuari (zyrtari policor) ndaj të cilit prokurori ka lëshuar aktvendim për ndalim për 48 orë. Si pjesë e procedurës administrative hetimore zyrtari policor është suspenduar nga puna”.

Veprimet e tjera do të ndërmerren në përputhje me autorizimet ligjore të IPK-së dhe në koordinim me prokurorinë kompetente.

Shija e redaktorit

Përparësitë e Kosovës si shtet i asocuar në Asamblenë Parlamentare...

Një hap afër anëtarësimit në NATO, kështu së paku po konsiderohet nga politikanët të jetë afruar Kosova, tash që e morri statusin si vend...

Osmani në takim me kryesuesit e KGJK-së dhe KPK-së: Urgjent...

Presidentja Vjosa Osmani priti në takim kryesuesin e Këshillit Gjyqësor të Kosovës dhe kryesuesin e Këshillit Prokurorial të Kosovës. Ajo ka pritur në takime...

Dita e Presidentit, Osmani me familjen e saj e shënon...

24 maji është Dita e Presidentit. Presidentja e Kosovës, Vjosa Osmani, ka thënë se kjo ditë është vendosur nga presidenti historik, Ibrahim Rugova. Osmani ka thënë...

Të fundit nga rubrika