Pas votimit të votëbesimit javën e kaluar, ku një numër i madh i ligjvënësve u rebeluan kundër kryeministrit britanik, duke pasur më shumë kundër sesa mbështetës, Jonson prapë e mori votëbesimin, edhe pse janë vënë shumë pikëpyetje për autoritetin e tij për qeverisje.
Dorëheqja e këshilltarit Christopher Geidt e bën atë Këshilltarin e dytë të Pavarur për Interesat e Ministrave, i cili jep dorëheqjen nga posti i tij në më pak se dy vjet.
“Me keqardhje, ndjej se është e drejtë që po jap dorëheqjen nga posti im si Këshilltar i Pavarur për Interesat e Ministrave”, njoftoi Geidt në faqen e internetit të qeverisë së Mbretërisë së Bashkuar, duke mos dhënë asnjë arsye se si erdhi deri te dorëheqja, raporton CNN, përcjell PortaliD.
Sipas Geidt, fakti që kryeministri, Boris Johnson u gjobit nga policia për thyerjen e rregullave të qeverisë së tij ato mund të ishin në kundërshtim me Kodin Ministror, këtë e ka bërë të ditur vetë Geidt gajtë një komisioni parlamentar ditën e martë të 14 qershorit.
“Nëse do të mbaj këndvështrimin e burrit apo gruas së zakonshme është e arsyeshme të them se ndoshta një njoftim penal fiks dhe një kryeministër që paguan për të, mund të ketë qenë mospërmbushje e detyrës kryesore sipas kodit ministror për respektimin e ligjit”, u shpreh Geidt.
Zëdhënësi i qeverisë së Mbretërisë së Bashkuar, në një deklaratë u shpreh i befasuar nga vendimi i Christopher Geidt, pasi ai ishte i përkushtuar në punën e tij.
“Këtë javë, Këshilltarit të Pavarur iu kërkua të jepte këshilla për një çështje komerciale të ndjeshme në interes kombëtar, e cila më parë ka pasur mbështetje ndërpartiake. Asnjë vendim nuk ishte marrë në pritje të asaj këshille. Ndërsa jemi të zhgënjyer, falenderojmë Zotin Geidt për shërbimin e tij publik. Ne do të emërojmë një këshilltar të ri në kohën e duhur”, është shprehur zëdhënësi.
Para Geidt, një tjetër Këshilltar i Pavarur për Interesat e Ministrave, Alex Allen kishte dhënë dorëheqjen në nëntor të vitit 2020, pasi kryeministri britanik, Boris Johnson kishte mbështetur Sekretaren e Brendshme Priti Patel, edhe pse Allen e kishte raportin se sekretarja e kishte shkelur Kodin Ministror.