Në protestën që është mbajtur mëngjesin e së premtes nga serbët, në pjesën e veriut të Kosovës, ka marrë pjesë edhe kryetari i Listës Serbe, Goran Rakiq.
Ai gjatë protestës kundër moslejimit të mbajtjes së zgjedhjeve në Kosovë, sipas kërkesës së Serbisë, ka deklaruar se asnjë gjykatës i etnisë serbe nuk do të kthehet në punë, nëse nuk shfuqizohet vendimi për suspendimin e gjyqtares, Liljana Stevanoviq.
“Gjykatësit e kanë ndërprerë punën dhe nuk do të kthehemi derisa të kthehet në punë gjyqtarja e suspenduar”, ka thënë Rakiq.
Gjyqtarja në fjalë, ishte suspenduar të enjten nga Këshilli Gjyqësor i Kosovës (KGJK), për arsye se, e njëjta, kishte marrë pjesë në Këshillin e Sigurisë të Serbisë, të thirrur nga Aleksandër Vuçiq.
Në lidhje me vendimin e marrë KGJK, kishte thënë se vendimi i tyre nuk ka pasur nuanca politike.
Protestuesit, në fund u larguan të qetë dhe nuk është raportuar për ndonjë incident.