Ish i dërguar i Shteteve të Bashkuara të Amerikës për dialogun Kosovë – Serbi, Richard Grenell, ka thënë së tensionet në veri të Kosovës janë të papranueshme.
Ai për këto tensione e ka fajësuar Kosovën, duke thënë se kryeministri i Kosovës, Albin Kurti, po vazhdon me veprimet e tij të njëanshme në veri, kështu duke rënë në kundërshtim më marrëveshjet e ndërkombëtare.
Grenell gjithashtu pati kërkesa për Sekretarin amerikan të Shtetit, Antony Blinken.
Ai kërkoi nga Blinken, që Kurti të lirojë të burgosurit serb dhe të përmbahet nga arrestimi i protestuesve paqësor.
E të gjitha këto të bëhen sipas tij, duke kërkuar në të njëjtën kohë heqjen e barrikadave.
“Dhuna e fundit në Kosovë është e papranueshme. Albin Kurti vazhdon veprimet e tij të njëanshme në veri në kundërshtim me marrëveshjet ndërkombëtare – Blinken duhet të kërkojë: Kurti të lirojë të burgosurit serbë dhe të përmbahet nga arrestimi i protestuesve paqësorë dhe të ndaloj dërgimin e forcave speciale në veri – duke kërkuar në të njëjtën kohë heqjen e barrikadave. E gjithë kjo duhet të bëhet në të njëjtën kohë”, ka shkruar Grenell në Twitter.
Grenell gjithashtu kërkoi që ambasada amerikanë në Kosovë të dënojë ndalimin e Patriarkut serb në Kosovë.
“Është gjithashtu koha më e shenjtë për të krishterët – Albin Kurti nuk duhet t’i kërkojë Patriarkut serb që së pari të bëjë deklarata politike para se të hyjë. Kjo është një shkelje e drejtpërdrejtë e lirisë fetare – dhe USAmbKosovo tashmë duhet ta dënojë publikisht”, ka shtuar ai.