Grenell i përgjigjet sërish Kurtit për relacionet Kosovë – SHBA: Kurrë s’kanë qenë më poshtë
Emisari special i Shteteve të Bashkuara të Amerikës (ShBA) për misione të veçanta, Richard Grenell i ka reaguar sërish deklaratës së kryeministrit të Kosovës Albin Kurti. Kurti dje (e enjte) tha se marrëdhëniet me Shtetet e Bashkuara të Kosovës janë më të forta se kurrë më parë. Grenell postoi në X deklaratën e Kurtit së […]
Emisari special i Shteteve të Bashkuara të Amerikës (ShBA) për misione të veçanta, Richard Grenell i ka reaguar sërish deklaratës së kryeministrit të Kosovës Albin Kurti.
Kurti dje (e enjte) tha se marrëdhëniet me Shtetet e Bashkuara të Kosovës janë më të forta se kurrë më parë.
Grenell postoi në X deklaratën e Kurtit së bashku me një fotografi të tij.
Emisari Grenell e ka quajtur deklaratën e Kurtit iluzore teksa shton se me të në krye të Qeverisë, marrëdhëniet SHBA-Kosovë, kurrë s’kanë qenë më poshtë e më të dobëta.
“Iluzore. Marrëdhëniet nuk kanë qenë kurrë më të dobëta. Albin Kurti është dënuar nga administrata e parë e Trump, administrata e Bidenit, NATO, BE, Ambasada e SHBA, Anthony Blinken etj”, ka shkruar Grenell.
















