Gropa në rrugën “Naim Frashëri”, banorët i rregullojnë vetë

Ka vite që rruga “Naim Frashëri” në kryeqytet është e tëra gropa. E për banorët gjendja e saj u bë aq e padurueshme sa u detyruan që me investime vetanake të mbulojnë këto gropa të cilat shkaktonin probleme të mëdha për ta. Përpos mosintervenimit të Komunës së Prishtinës, ata fajtorë po i lënë edhe punë kryesit e ndërtimeve të larta, të cilët pas përfundimit të punimeve nuk e kthyen rrugën në gjendje të mëparshme

Rruga, Naim Frashëri, në Prishtinë

Mban emrin e shkrimtarit të madh “Naim Frashëri”. Por gjendja e kësaj rruge që gjendet në Lagjen e Muhaxhirëve në Prishtinë, nuk e nderon aspak figurën e tij.

E gjendjen e mjerueshme të kësaj rruge po e vuajnë banorët.

“Po problem që kur kanë fillua ndërtimet para 10-12 vjet, edhe komuna asnjë herë nuk ka ardhur të interesohet për gjendje e kësaj rrugë, edhe gjithsecili që ka kalua këndej parie ka dëmtuar veturën, kohë e fundit një fqinjë e ka rregulluar në mënyrë vetanake”, ka thënë Shaban Mehmeti – Banor i Lagjes.

Shaban Mehmeti – Banor i Lagjes

Duke e parë se Komuna nuk po e merr mundin për rregullimin e kësaj rruge, Azem Tahiraj vendosi që me mjete vetanake t’i mbuloj sadopak gropat e krijuara.

“ Jemi duke e pa që 5-6 vite komuna nuk po ndërmerr kurrfarë aksioni apo intervenim edhe pse ka mjet buxhetore, jam detyra me mjet vetanake krejt prej qëllimit të mire që thjeshtë të bëhet rrugë e kalueshme, se paku t’i mbyllen gropat”, është shprehur, Azem Tahiraj – Banor i Lagjes.

Azem Tahiraj – Banor i Lagjes

Ndërsa Jakup Mehmeti thotë se fajtor kryesor për dëmtimin e rrugës e dhanë punë kryesit e ndërtimeve të larta.

“Investitorët që kanë ndërtuar pallate i kanë hapë kanalet për ta vendosë rrjetin e energjisë elektrike edhe ujësjellësit, por nuk kanë rikthyer në gjendje më mëparshme në të cilën është dashur të kthehet, ka thënë, Jakup Mehmeti – Banor i Lagjes.

Jakup Mehmeti – Banor i Lagjes

E nga Komuna e Prishtinës thonë se janë në dijeni për gjendjen e rrugës, dhe se shumë shpejt do të intervenohet në sanimin e saj.

“Ne si drejtori jemi njoftuar për gjendjen e keqe të asaj rruge si pasojë e ndërtimeve që kanë ndodh në atë pjesë. Ekipet tona kanë dal në teren për të parë intervenimet që duhet bërë dhe shumë shpejt DIKMK do të fillojë sanimin e gropave të asaj rruge si dhe rrugëve të tjera në lagjen e “Muhaxherëve”, ka thënë Komuna e Prishtinës.

Rruga “Naim Frashëri” është një ndër rrugët më të frekuentuara të kryeqytetit, pasi ajo lidh disa nga lagjet kryesore të Prishtinës.

Shija e redaktorit

Komandanti i Gardës së Ajova-s bashkë me gjenerallejtënant Jashari shohin...

Komandanti i Forcës së Sigurisë së Kosovës (FSK), gjenerallejtënant Bashkim Jashari, së bashku me komandantin e Gardës së Ajova-s, gjeneral major Stephen E. Osborn,...

Kreshnikët e Shalës së Bajgorës

Ulërima e 300 spartanëve dhe mbretit Lenoidhas, i trimërohet e me cinizëm i buzëqesh vdekjes, tash e 2500 vjet. Shaljanët, mund të kenë dëgjuar për...

FFK prezanton nesër përzgjedhësin e ri të Kosovës

Federata e Futbollit të Kosovës (FFK) përmes një njoftimi zyrtar ka bërë të ditur se nesër (e shtunë) do të bëhet prezantimi i përzgjedhësit...

Të fundit nga rubrika