Dënohet me 15 muaj burg gruaja që goditi stjuardesën në ShBA

Një grua kishte goditur një stjuardesë gjatë një fluturimi vitin e kaluar në San Diego, California, e për këtë të shtunën e 28 majit është dënuar me 15 muaj burg

Një grua në San Diego, California, të shtunën e 28 majit, është dënuar me 15 muaj burg, pasi kishte goditur me grusht në fytyrë një stjuardese në “Southwest Airlines” gjatë një fluturimi.

Vyvianna Quinonez, gjithashtu, është urdhëruar të martën nga gjykatësi federal në San Diego, që të paguajë gati 26 mijë dollarë dëmshpërblim dhe një gjobë 7 mijë e 500 dollarë për sulmin në një fluturim të 23 majit 2021 në “Southwest Airlines”.

Ndërkaq, gruas 29-vjeçare nga Sacramento i ndalohet të fluturojë për tre vjet, dhe përderisa është në lirim të mbikëqyrur, duhet të marrë pjesë në seanca për menaxhimin e zemërimit.

Quinonez, vitin e kaluar është deklaruar fajtore për një akuzë për ndërhyrje te anëtarët e ekuipazhit të fluturimit dhe stjuardesat, duke pranuar se ajo e goditi stjuardesën në fytyrë me një grusht dhe ia kapi flokët.

Gjersa po përgatiteshin për uljen e aeroplanit, stjuardesa i kishte kërkuar Quinonez-it të shtrëngonte rripin e sigurimit dhe të vendoste maskën në fytyrë siç duhet. Por, Quinonez kishte filluar ta incizonte stjuardesën në celularin e saj, duke e shtyer atë dhe më pas duke e goditur me grusht në fytyrë dhe duke ia kapur flokët përpara se pasagjerët e tjerë të ndërhynin, është bërë e ditur nga autoritetet lokale në San Diego.

Ky sulm është regjistruar në celularin e një pasagjeri tjetër.

Marrëveshja për pranimin e fajësisë thoshte se stjuardesa kishte tre dhëmbë të çarë, dy prej të cilëve kishin nevojë për kurora, së bashku me mavijosje dhe një prerje nën syrin e saj të majtë që kishte nevojë për qepje.

“Sulmet ndaj anëtarëve të ekuipazhit të fluturimit, të cilët kryejnë punë jetike për të garantuar sigurinë e pasagjerëve, nuk do të tolerohen”, ka thënë prokurori amerikan Randy Grossman në një deklaratë pas dënimit të Quinonez.

Incidenti ishte pjesë e një përshkallëzimi të sjelljes së padisiplinuar nga pasagjerët e linjave ajrore në mes të pandemisë COVID-19, dhe kjo bëri që udhëheqësi i ekuipazhit të fluturimit të kërkonte më shumë staf shoqërues në avion.

Linjat ajrore në vitin 2021 raportuan më shumë se 5 mijë incidente të pasagjerëve të padisiplinuar në Federal Aviation Administration.

Shumica ishin pasagjerë që refuzonin të ndiqnin kërkesën për mbajtjen e maskës, teksa ishin në aeroplan, ndërsa 300 raste prej tyre përfshinin pasagjerë që ishin në gjendje të dehur.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika