Policia e Kosovës ka njoftuar për dy raste të dhunimit në Pejë dhe Prishtinë, për të cilat janë identifikuar dhe intervistuar të dyshuarit.
Sipas raportit 24-orësh të Policisë, në Pejë një grua ka raportuar se më 10 shkurt të këtij viti, pa dëshirën e saj, kishte kryer marrëdhënie seksuale me një person me të cilin kishte qenë në lidhje dashurie.
“I dyshuari m/k është intervistuar dhe me vendim të prokurorit është liruar në procedurë të rregullt”, thuhet në raport.
Ndërkaq, në Prishtinë Policia ka njoftuar për një rast tjetër të dhunimit, i cili dyshohet se ka ndodhur më 5 shtator.
Lidhur me këtë rast, më 28 shtator është arrestuar një person i dyshuar.
“Lidhur me rastin, më 28.09.2026 është arrestuar i dyshuari m/k dhe me vendim të prokurorit është dërguar në mbajtje”, thuhet në raportin policor.