Grupi ukrainas shet trofeun e Eurovizionit për të blerë dronë për Ukrainën

Pushtimi i Rusisë në Ukrainë ka marrë mijëra jetë të civilëve, ka bërë që miliona ukrainas të ikin, duke i kthyer qytetet në gërmadha. Në ndihmë të vendit, grupi ukrainas ka shitur trofeun

Grupi ukrainas që fitoi Eurovizionin e këtij viti, ka shitur trofeun e tyre për 900,000 dollarë  për të mbledhur para për luftën në Ukrainë, transmeton “BBC“.

Kalush Orchestra do ta vërë në ankand mikrofonin e kristaltë, për të blerë dronë për ushtrinë e Ukrainës.

Shitja përkoi me paraqitjen e grupit në një koncert bamirësie në Portën e Brandenburgut në Berlinit.

Ai synon të mbledhë para për kujdesin mjekësor dhe furnizimet.

Duke folur në koncert, anëtari i grupit, Oleh Psiuk, bëri thirrje që njerëzit të mos mësohen me luftën, e cila ka lënë të paktën 4,031 civilë të vdekur dhe 4,735 të plagosur, sipas OKB-së, së bashku me një numër të panjohur luftëtarësh.

Njëherësh, konflikti Rusi-Ukrainë ka detyruar më shumë se 14 milionë njerëz të largohen nga shtëpitë e tyre qëkur Rusia e pushtoi më 24 shkurt.

“Unë mendoj se duhet të jetë gjithmonë në faqet e para, derisa të vijë paqja,” ka thënë Psiuk.

Prezantuesi televiziv ukrainas, Serhiy Prytula, ka njoftuar se paratë e mbledhura nga shitja e trofeut do të përdoren për të blerë tre dronë “PD-2” të prodhimit ukrainas, raporton agjencia e lajmeve “Reuters“.

Dronët përdoren shumë nga forcat ukrainase dhe ruse, si armë ashtu edhe si avionë zbulimi.

Shija e redaktorit

Hapet Baza Ajrore e NATO-s në Kuçovë të Shqipërisë

Më 4 mars u hap zyrtarisht baza ajrore e NATO-s në Kuçovë, një “investim i madh që do të shërbejë për përmirësimin dhe modernizimin...

Mogherini bëhet me nënshtetësi shqiptare

Kryeministri i Shqipërisë, Edi Rama, i ka ofruar rektores së Kolegjit të Evropës, Federica Mogherini, nënshtetësinë shqiptare. Ai e ka falënderuar për këtë projekt të...

Realizohet fotografia familjare e samitit në Tiranë

Siç e do zakoni, pjesëmarrësit në samitin “Ukrainë-Europa Juglindore”, që po mbahet në kryeqytetin e Shqipërisë, Tiranë, kanë realizuar “fotografinë familjare” Presidenti i Ukrainës,  Vlodymyr...

Të fundit nga rubrika