Guterres: Armëpushimi në Ukrainë duket i pamundur aktualisht

Mariupol, Ukrainë

Për Sekretarin e Përgjithshëm të Kombeve të Bashkuara (OKB), Antonio Guterres, në Ukrainë një armëpushim për qëllime humanitare nuk duket i mundur aktualisht.

Sipas Guterres-it, Kombet e Bashkuara i kanë propozuar Rusisë armëpushime lokale dhe mundësinë e evakuimit të civilëve, por se ende janë duke pritur një përgjigje nga Moska.

“Për momentin një armëpushim për qëllime humanitare në Ukrainë nuk duket i mundur’’.

“Ka shumë gjëra që mund të bëhen për të garantuar evakuimin e civilëve”, ka thënë për media Guterres, të mërkurën.

Që kur Rusia ka nisur invazionin mbi Ukrainën më 24 shkurt, mijëra civilë janë vrarë dhe rreth 11 milionë ukrainas, më shumë se një e katërta e popullsisë, janë larguar nga shtëpitë e tyre.

Ndërsa jashtë Ukrainës kanë arritur të dalin katër milion qytetarë.

Ai ka thënë se lufta po nxit një krizë tredimensionale – të ushqimit, energjisë dhe financave – që po godet disa nga njerëzit, vendet dhe ekonomitë më të cenueshme të botës.

36 vende mbështeten në Rusinë dhe Ukrainën për më shumë se gjysmën e importeve të grurit të tyre – duke përfshirë disa nga vendet më të varfra dhe më të cenueshme të botës.

”Dhe e gjithë kjo vjen në një kohë kur vendet në zhvillim tashmë po luftojnë me një sërë sfidash që nuk janë bërë prej tyre – pandemia COVID-19, ndryshimet klimatike dhe mungesa e qasjes në burimet e duhura për të financuar rimëkëmbjen në kontekstin e pabarazive të vazhdueshme që janë në rritje”, ka thënë ndër të tjera Guterres.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika